නිලාවේලි පොලිස් ස්ථානයට අනුයුක්තව සේවය කරන පොලිස් සැරයන්වරයෙකු රුපියල් 10,000ක අල්ලස් මුදලක් ලබාගැනීමේ චෝදනාව මත අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන තිබේ.
නිලාවේලි ප්රදේශයේ පදිංචිකාරියක විසින් කරන ලද පැමිණිල්ලකට අනුව මෙම වැටලීම සිදු කර ඇත. පැමිණිලිකාරියට විදේශගත වීම සඳහා අවශ්ය වන පොලිස් වාර්තාව ලබාදීමට අදාළ කටයුතු කර දීම සඳහා සැකකාර සැරයන්වරයා මෙම මුදල ඉල්ලා ඇති බව වාර්තා වේ.
ඊයේ (දෙසැම්බර් 16) පස්වරුවේ පැමිණිලිකාරියගේ නිවසේදීම මෙම මුදල ලබාගන්නා අවස්ථාවේදී විමර්ශන නිලධාරීන් විසින් ඔහු අත්අඩංගුවට ගෙන ඇත. අත්අඩංගුවට ගත් සැකකරු අද (දෙසැම්බර් 17) කුච්චවේලි සංචාරක මහේස්ත්රාත් අධිකරණය වෙත ඉදිරිපත් කිරීමට නියමිතය.
