වෙළඳපොළේ ආහාර ද්රව්යවල මිල අසාමාන්ය ලෙස ඉහළ ගොස් ඇති අතර, විශේෂයෙන් එළවළු මිල ගණන් සීඝ්රයෙන් ඉහළ ගොස් තිබේ. ඇතැම් ස්ථානවල කැරට් කිලෝවක මිල රුපියල් 4,000ක් වැනි ඉහළ මිලකටත්, ලීක්ස් කිලෝවක් රුපියල් 3,200ක් වැනි මිලකටත් අලෙවි වන බව වාර්තා වේ.
සාමාන්ය වෙළඳපොළේ මෙම මිල ඉහළ යෑම සුපිරි වෙළඳසැල්වල මිල ගණන්වලට වඩා තුන් හතර ගුණයක අගයක් ගනී.
මිල ඉහළ යෑමට හේතුව
වෙළඳුන් සඳහන් කරන්නේ, පවතින ආපදා තත්ත්වය හේතුවෙන් එළවළු සැපයීම ඉතා විශාල ලෙස පහත බැස ඇති බවයි. උඩරට සහ පහත රට ගොවි බිම් රැසක් විනාශ වීම නිසා ඉදිරියේදී ද එළවළු සැපයීම තවත් දුර්වල වනු ඇතැයි ඔවුහු පෙන්වා දෙති.
කෙසේ වෙතත්, දඹුල්ල ආර්ථික මධ්යස්ථානයේ වෙළඳුන් පවසන්නේ පෙර දිනට සාපේක්ෂව අද (දෙසැම්බර් 01) දිනයේ එළවළු මිල යම් පහත වැටීමකට ලක්ව තිබෙන බවයි.
