පළාත් පාසල් 809ක් ජාතික පාසල් ලෙස නම් කිරීම සඳහා වන නාම පුවරු සඳහා පමණක් රුපියල් ලක්ෂ 24කට අධික මුදලක් වැය කර ඇති බව රජයේ ගිණුම් කාරක සභාව (කෝපා කමිටුව) හමුවේ අනාවරණය වී තිබේ. මෙය, අදාළ පාසල් නාමිකව පමණක් ජාතික පාසල් ලෙස නම් කර ඇති බවට තහවුරු කරයි.
මේ සම්බන්ධයෙන් අධ්යාපන අමාත්යාංශය පසුගියදා රජයේ ගිණුම් කාරක සභාව හමුවට කැඳවූ අවස්ථාවේදී මෙම කරුණු අනාවරණය වී ඇත.
පසුගිය රජය සමයේ ක්රියාත්මක වූ “ජාතික පාසල් දහසක් දක්වා වැඩි කිරීමේ වැඩසටහන” සම්බන්ධයෙන් සහ රාජ්ය අමාත්යාංශය ආරම්භ කළ ව්යාපෘති 72ක් සම්බන්ධයෙන් මාස 03ක් ඇතුළත වාර්තාවක් ලබා දෙන ලෙස කෝපා කමිටුව විසින් අධ්යාපන අමාත්යාංශ නිලධාරීන්ට නිර්දේශ කර ඇති බවද සඳහන් වේ.
