ඉන්දීය අග්රාමාත්ය නරේන්ද්ර මෝදි මහතාගේ විශේෂ නියෝජිතයෙකු ලෙස ඉන්දීය විදේශ කටයුතු අමාත්ය ආචාර්ය එස්. ජයශංකර් මහතා මීට සුළු මොහොතකට පෙර ශ්රී ලංකාවට පැමිණියේය.
කොළඹ ඉන්දීය මහ කොමසාරිස් කාර්යාලය තහවුරු කළ පරිදි, මෙම සංචාරයේ ප්රධාන අරමුණ වන්නේ ශ්රී ලංකාවේ ඉහළ පෙළේ නායකත්වය හමුවී ද්විපාර්ශ්වික සකච්ඡා පැවැත්වීමයි.
නව රජය බලයට පත්වීමෙන් පසු ඉන්දියාව සහ ශ්රී ලංකාව අතර පවතින රාජ්ය තාන්ත්රික සහ ආර්ථික සබඳතා තවදුරටත් ශක්තිමත් කිරීම මෙම සංචාරයේ ප්රමුඛතාවයකි.
ඉන්දියන් සාගර කලාපයේ ආරක්ෂාව, වෙළඳාම සහ බලශක්ති ක්ෂේත්රයේ සහයෝගීතාවය පිළිබඳව මෙහිදී විශේෂ අවධානයක් යොමු වනු ඇතැයි අපේක්ෂා කෙරේ.
දැනට ශ්රී ලංකාව තුළ ක්රියාත්මක වන සහ යෝජිත ඉන්දීය ආයෝජන ව්යාපෘති පිළිබඳ ප්රගතිය සමාලෝචනය කිරීම ද මෙහි අරමුණකි.
ආචාර්ය ජයශංකර් මහතා සිය සංචාරය අතරතුර ජනාධිපතිවරයා, අග්රාමාත්යවරයා සහ අනෙකුත් ප්රධාන දේශපාලන නායකයන් හමුවීමට නියමිතය.
