පාකිස්තානයට මේ දිනවල ඇද හැලෙන ධාරානිපාත වර්ෂාව මහා විනාශයක් ගෙන ආවා. රට පුරා දරුණු ලෙස බලපා ඇති මෙම අයහපත් කාලගුණය හේතුවෙන් මේ වන විට පුද්ගලයින් 45 දෙනෙකුට ජීවිත අහිමි වී ඇති බව එරට ආපදා කළමනාකරණ අංශ නිල වශයෙන් තහවුරු කරනවා. මේ අවාසනාවන්ත පිරිස අතර අහිංසක දරුවන් 10 දෙනෙකු ද සිටීම හද කම්පා කරවන සුළුයි.
විදෙස් මාධ්ය වාර්තා කරන ආකාරයට, මෙම අයහපත් කාලගුණයෙන් තවත් 63 දෙනෙකු තුවාල ලබා රෝහල් ගත කර තිබෙනවා. ඇද හැලෙන මහ වැසි නිසා හටගෙන ඇති ගංවතුර තත්ත්වය හේතුවෙන් රටේ ප්රධාන මාර්ග රැසක් ජලයෙන් යට වී ඇති අතර, එය ගමනාගමන කටයුතුවලට බරපතළ බාධා එල්ල කර තිබෙනවා.
පාකිස්තාන කාලගුණ විද්යා දෙපාර්තමේන්තුව අනතුරු අඟවන්නේ, මෙම වර්ෂාපතන තත්ත්වය ඉදිරි දින කිහිපය තුළදීත් අපේක්ෂා කළ හැකි බවයි. එබැවින්, තවදුරටත් ආපදා තත්ත්වය උග්ර වීමේ අවදානමක් පවතින බැවින් මහජනතාවට දැඩි අවධානයෙන් සිටින ලෙස බලධාරීන් ඉල්ලා සිටිනවා.
