පවතින අයහපත් කාලගුණය හේතුවෙන් පානදුර – කර්මාන්ත පුර මාර්ගයේදී මෝටර් රථයක් ලිස්සා ගොස් කැරපන් ඇළට පෙරළී අනතුරක් සිදුව තිබේ.
අනතුර සිදුවන අවස්ථාවේ එහි දෙදෙනෙකු ගමන් කර ඇති අතර, වාසනාවකට කිසිවෙකුටත් හානි සිදුව නොමැත. ප්රදේශවාසීන් එක්ව කඹ ආධාරයෙන් මෝටර් රථය ගොඩගනු ලැබීය.
පොලීසිය සඳහන් කරන්නේ, ඉදිරියෙන් වාහනයක් පැමිණීමේදී මෝටර් රථ රියදුරු තිරිංග තද කිරීමත්, වැස්ස හේතුවෙන් මාර්ගය ලිස්සන ස්වභාවයක් ගෙන තිබීමත් නිසා මෝටර් රථය ලිස්සා ගොස් මාර්ගයෙන් ඉවතට ඇදී ගොස් කැරපන් ඇළට පෙරළී ඇති බවයි.
