පවතින අයහපත් කාලගුණ තත්ත්වය හේතුවෙන් දිවයිනේ ප්රධාන දුම්රිය මාර්ග කිහිපයක ධාවනයන්ට බාධා එල්ල වී ඇති බව දුම්රිය දෙපාර්තමේන්තුව දැනුම් දෙයි.
බලපෑම් එල්ල වූ මාර්ග:
මුහුදුබඩ මාර්ගය සහ කැලණිවැලි මාර්ගය: මෙම මාර්ගවලට ගස් කඩා වැටීම හේතුවෙන් ධාවනයට බාධා එල්ල වී ඇත.
උතුරු දුම්රිය මාර්ගය: වැල්ලව ප්රදේශයෙන් දුම්රිය මාර්ගය ජලයෙන් යටවීම හේතුවෙන් ධාවනයට බාධා සිදුවී තිබේ.
පුත්තලම මාර්ගය: මෙම මාර්ගයේ ද දුම්රිය ධාවනයට බාධා එල්ල වී ඇත.
උඩරට මාර්ගයේ වෙනස්කම්
කොළඹ කොටුව සහ බදුල්ල අතර ධාවනය වන සියලුම උඩරට දුම්රිය, අයහපත් කාලගුණ තත්ත්වය හේතුවෙන් නැවත දැනුම් දෙන තුරු නානුඔය දක්වා පමණක් ධාවනය කිරීමට සැලසුම් කර ඇති බව දුම්රිය දෙපාර්තමේන්තුව වැඩිදුරටත් සඳහන් කළේය.
