ලියන්ගහවල බැද්දෙඅරාව මාර්ගයේ කොටසක අද (දෙසැම්බර් 04) උදෑසන සිට ගිලා බැසීමක් වාර්තා වන බව බදුල්ල ආපදා කළමනාකරණ මධ්යස්ථානය සඳහන් කරයි.
මෙම ස්ථානය රාවණා ඇල්ලේ ඉහළ පෝෂක ප්රදේශය බව පැවසේ.
පවතින ගිලා බැසීම එන්න එන්නම පුළුල් වන බව ප්රදේශවාසීන් පෙන්වා දෙන අතර, එම ස්ථානය ඔස්සේ වාහන ගමනාගමනයට ද බාධා එල්ල වී ඇත.
මෙම ගිලා බැසීම සම්බන්ධයෙන් ජාතික ගොඩනැගිලි පර්යේෂණ ආයතනයේ (NBRO) වාර්තාවක් ලබා ගැනීමට නියමිතය.
මේ අතර, බදුල්ල අළුගොල්ල කඳු මුදුනේ ගල්වල ප්රදේශය අවට තැනින් තැන භූමියේ විශාල ඉරිතැලීම් වාර්තා වන බවත්, එම ස්ථානය ද භූමි පරීක්ෂාවක් සඳහා සැලසුම් කර ඇති බවත් බදුල්ල ආපදා කළමනාකරණ මධ්යස්ථානය පැවසීය.
