මෙවර මහ මැතිවරණය සඳහා තරඟ වදින ප්රධාන දේශපාලන පක්ෂ රැසක් අද නාමයෝජනා පත්රවලට අත්සන් තැබීය.ජාතික ජන බලවේගය සිය නාමයෝජනා පත්රවලට අත්සන් තැබුවේ පැලවත්තේ පිහිටි ජනතා විමුක්ති පෙරමුණේ පක්ෂ මූලස්ථානයේදීය.
සමගි ජන සන්ධානය නාමයෝජනා පත්රවලට අත්සන් තැබීම කොළඹ පිහිටි එම සන්ධානයේ කාර්යාලයේදී සිදු කළේය.
ගෑස් සිලින්ඩරය ලකුණ යටතේ තරඟ වදින නව ප්රජාතන්ත්රවාදී පෙරමුණ නාමයෝජනා පත්රවලට අත්සන් තැබීම හිටපු ජනාධිපති රනිල් වික්රමසිංහ මහතාගේ කොළඹ මල් පාරේ පිහිටි මැතිවරණ මෙහෙයුම් කාර්යාලයේදී සිදු කළේය.
ශ්රී ලංකා පොදුජන පෙරමුණද ඉදිරි මහමැතිවරණය වෙනුවෙන් නාමයෝජනා පත්රවලට අද අත්සන් තැබීම බත්තරමුල්ල නෙළුම් මාවතේ පිහිටි පක්ෂ කාර්යාලයේදී සිදු කරනු ලැබීය.
