සුපිළිපන් සමාජයක් වෙනුවෙන් කෘතගුණ සැලකීම ප්රගුණ කළ යුතු බව තෛපොංගල් උත්සවයට සුබපැතුම් එක්කරමින් විපක්ෂ නායක සජිත් ප්රේමදාස මහතා පවසයි.
බහුජාතික සහ බහුභාෂාමය ජනසමාජයක් ඇති අපගේ මාතෘභූමියේ විවිධත්වයෙන් එකමුතුවට මඟපාදන තවත් ජාතික උත්සවයක් ලෙස සියලු දෙනා එක්ව තෛපොංගල් උත්සවය සැමරීමට කටයුතු කිරීම අපගේ සංස්කෘතික උරුමයන් සුරැකීමට මඟපාදන බව විපක්ෂ නායකවරයා පෙන්වා දෙයි.
මේ අතර මෙරට හින්දු බැතිමතුන් තෛපොංගල් උත්සවය සැමරීම සඳහා ඉතා උනන්දුවෙන් පසුවන බව “අද දෙරණ” වාර්තාකරුවන් සඳහන් කළේය.
තෛපොංගල් උත්සවය නිමිත්තෙන් අද (14) දිනයේ බන්ධනාගාර ගත හින්දු ආගමික රැඳවියන්ට අමුත්තන් බැලීමට විශේෂ අවස්ථාවක් ලබාදීමට බන්ධනාගාර දෙපාර්තමේන්තුව පියවර ගෙන තිබේ.
අද දිනය තුළ හින්දු ආගමික රැදවියන්ගේ ඥාතීන් විසින් රැගෙන එනු ලබන ආහාර සහ රසකැවිලි ලබාදීමට අවස්ථාව සලසා දී ඇති බව බන්ධනාගාර දෙපාර්තමේන්තුව සඳහන් කළේය.
