ජා-ඇළ අධිවේගී මාර්ගය අසල වර්ෂාව හේතුවෙන් වතුර පිරි පැවති වලක තිබී පොලිස් කොස්තාපල්වරයෙකුගේ මෘත ශරීරයක් සොයා ගෙන තිබේ.
mawbima.lk සිදු කළ විමසීමකදී පොලිස් මාධ්ය කොට්ඨාසය මේ බව සඳහන් කළේ ය.
මිය ගොස් ඇත්තේ, කඩුවෙල අන්තර් හුවමාරුවේ පොලිස් ස්ථානයට අනුයුක්තව සේවය කර ඇති වයස අවුරුදු 50 පසුවූ පොලිස් නිලධාරියෙකි.
ඔහුගේ මෘත ශරීරය රාගම ශික්ෂණ රෝහලට යොමු කර ඇති බව පොලිස් මාධ්ය කොට්ඨාසය සඳහන් කළේ ය.
මෙම මරණය සියදිවි නසා ගැනීමක් ද? නැත්නම් දියේ ගිලි සිදුවූ මරණයක් ද? යන්න විමර්ශන සිදු කරන බව පොලිස් මාධ්ය කොට්ඨාසය වැඩිදුරට ත් සඳහන් කළේ ය.
මේ පිළිබඳව පමුණුගම පොලිසිය වැඩිදුර විමර්ශන සිදු කරයි
