මත්පැන් පමණක් නොව, විවිධ මත්ද්රව්ය භාවිත කරමින් රථවාහන පදවන රියදුරන්ට එරෙහිව අද (08) සිට දැඩිව නීතිය ක්රියාත්මක කරන බව ප්රවාහන අමාත්ය බිමල් රත්නායක මහතා පාර්ලිමේන්තුවේදී ප්රකාශ කළේය.
මීට පෙර මත්පැන් පානය කර රිය පදවන්නන් හඳුනාගැනීමට ක්රමවේද තිබුණද, වෙනත් මත්ද්රව්ය භාවිත කරන රියදුරන් සම්බන්ධයෙන් නෛතික ක්රියාමාර්ග ගැනීමට පැවති බාධා මෙම නව වැඩපිළිවෙළ හරහා ඉවත් වන බව අමාත්යවරයා පෙන්වා දුන්නේය.
මෙම නව පරීක්ෂණ ක්රමවේදයේ විශේෂතා කිහිපයක් අමාත්යවරයා අනාවරණය කළේය.රසායනාගාර පරීක්ෂණයක් මගින් විනාඩි තුනක් වැනි කෙටි කාලයකදී රියදුරෙකු මත්ද්රව්ය භාවිත කර ඇත්දැයි තහවුරු කරගත හැකිය. එකවර මත්ද්රව්ය වර්ග 12ක් පරීක්ෂා කිරීමේ හැකියාව මෙම තාක්ෂණය සතුය.පරීක්ෂණයේ ප්රතිඵලය එම අවස්ථාවේදීම මුද්රණය කර රියදුරු වෙත ලබාදීමට කටයුතු කෙරේ.
මාර්ග අනතුරු අවම කිරීම සහ මාර්ග විනය සුරැකීම අරමුණු කරගනිමින් මෙම වැඩපිළිවෙළ දිවයින පුරා ක්රියාත්මක කිරීමට නියමිතය.
