අනුරාධපුර ප්රධාන මහේස්ත්රාත් සහ අතිරේක දිසා විනිසුරු නාලක සංජීව ජයසූරිය විසින් මෙන්ඩිස් සමාගමේ සභාපති අර්ජුන් ඇලෝසියස්ට එරෙහිව පවතින නඩුව එළඹෙන ජූලි මස 23 වනදාට කැඳවීමට නියෝග කර ඇත.
මෙම නඩුවට හේතුව වී ඇත්තේ, නොච්චියාගම පිහිටි පී. ඩී. ජී. ඇග්රි බිස්නස් සමාගමෙන් කැබලි කරන ලද බඩ ඉරිඟු විශාල ප්රමාණයක් ලබාගෙන, ඊට අදාළ රුපියල් පන් කෝටි විසි නව ලක්ෂයක මුදලක් නොගෙවා වංචා කර, සාපරාධී විශ්වාසය කඩ කිරීමේ චෝදනාවයි.
මහේස්ත්රාත්වරයා විසින් මෙම නඩුවට අදාළ විමර්ශනයන්හි ප්රගතිය දන්වන ලෙස අපරාධ පරීක්ෂණ දෙපාර්තමේන්තුවට (CID) නියෝගයක්ද නිකුත් කර ඇති බව අද දෙරණ අධිකරණ වාර්තාකරු සඳහන් කළේය. ඒ අනුව, සැකකාර අර්ජුන් ඇලෝසියස් ලබන ජූලි මස 23 වනදා යළි අනුරාධපුර ප්රධාන මහේස්ත්රාත් අධිකරණය හමුවේ පෙනී සිටීමට නියමිතය.
