රටේ පැවති අයහපත් කාලගුණ තත්ත්වය හේතුවෙන් පැවැත්වීමට නොහැකි වූ අධ්යයන පොදු සහතික පත්ර උසස් පෙළ විභාගයේ ඉතිරි විෂයයන් 2026 ජනවාරි මස මුල දී පැවැත්වීමට කටයුතු කරන බව අධ්යාපන, උසස් අධ්යාපන සහ වෘත්තීය අධ්යාපන අමාත්යාංශ ලේකම් නාලක කලුවැව මහතා අද (දෙසැම්බර් 02) මාධ්ය හමුවක් පවත්වමින් පැවසීය.
අනතුරු ඇඟවීම් සහනිවේදන නිකුත් කරමින් ලේකම්වරයා වැඩිදුරටත් සඳහන් කළේ, ගමනාගමන පද්ධතියේ බිඳවැටීම්, සන්නිවේදන අපහසුතා සහ විදුලිය බිඳවැටීම් වැනි ආපදාවන්ට ලක් නොවූ පළාත් සහ දිස්ත්රික්කවල පාසල් දෙසැම්බර් 16 වැනි දින ආරම්භ කරන බවයි.
ආපදාවන්ට ලක් වූ අනෙකුත් පාසල් ආරම්භ කිරීම පිළිබඳව පළාත් හා දිස්ත්රික් මට්ටමින් අදාළ නිලධාරීන් හා සම්බන්ධ වෙමින් ඉදිරියේ දී හැකි ඉක්මනින් තීරණ ගන්නා බව ද ඒ මහතා ප්රකාශ කළේය.
ආපදාවන්ට ලක් නොවූ විශ්වවිද්යාල, ජාතික අධ්යාපන විද්යා පීඨ සහ වෘත්තීය අධ්යාපන ආයතන දෙසැම්බර් මස 08 වැනි දින ආරම්භ කිරීමට අපේක්ෂා කෙරේ.
එමෙන්ම, ප්රායෝගික අපහසුකම් ඇති කිසියම් උසස් අධ්යාපන ආයතනයක් වේ නම්, අදාළ ආයතනයේ ප්රධානියාට ආරම්භ කරන දිනය පිළිබඳ තීරණ කිරීමට බලය පැවරෙන බව ද අධ්යාපන ලේකම්වරයා පෙන්වා දුන්නේය.
