ඉරානයේ වත්මන් පාලනයට එරෙහිව ආරම්භ වූ මහජන විරෝධතා අඛණ්ඩව 14 වැනි දිනටත් ක්රියාත්මක වන අතර, ආරක්ෂක අංශ එල්ල කළ ප්රහාරවලින් මියගිය සංඛ්යාව 116ක් දක්වා ඉහළ ගොස් තිබේ. විදෙස් මාධ්ය වාර්තා කරන පරිදි මියගිය පිරිස අතර කුඩා ළමයින් නව දෙනෙකු ද සිටින බව තහවුරු වී ඇත.
එරට නගර 180ක ස්ථාන 500කට වැඩි ප්රමාණයක් පුරා විරෝධතා පැතිරී ඇත.මේ වන විට විරෝධතාකරුවන් 2,600කට වැඩි පිරිසක් ආරක්ෂක අංශ භාරයට ගෙන තිබේ.විරෝධතා මැඬපැවැත්වීම සඳහා ඉරාන රජය එරට පුරා අන්තර්ජාල සේවා අත්හිටුවා ඇත.
ටෙහෙරාන් අගනුවර රෝහල් ආරංචි මාර්ග සඳහන් කරන්නේ, ගැටුම්වලින් තුවාල ලැබූ පුද්ගලයන්ගෙන් රෝහල් පිරී ගොස් ඇති බවයි. ඇතැම් රෝහල්වල මෘත ශරීරාගාර පවා පිරී යාම නිසා මළසිරුරු ආගමික වතාවත් සිදුකරන කාමරවල තැන්පත් කිරීමට සිදුව ඇති බව ද වාර්තා වේ.
ඉරානයේ උත්තරීතර නායක අයොතුල්ලා අලි කමේනි මෙම විරෝධතා දැඩි ලෙස හෙළා දැක තිබේ. ඔහු පවසා ඇත්තේ විරෝධතාවල නිරත වන්නන් අමෙරිකාව සතුටු කිරීමට උත්සාහ කරන “දෙවියන්ගේ සතුරන්” (Enemies of God) බවයි. එවැනි අයට මරණ දඬුවම හිමිවිය හැකි බවට ද ඔහු අනතුරු අඟවා ඇත.
