අමෙරිකානු ජනාධිපති ඩොනල්ඩ් ට්රම්ප් පවසන්නේ, ඉරානය සහ ඊශ්රායලය අතර පවතින යුද ගැටුමට අමෙරිකා එක්සත් ජනපදය සම්බන්ධ නොවන බවයි. ඔහු සිය Truth Social ගිණුමේ සටහනක් තබමින් කියා සිටියේ, ඊශ්රායලය විසින් ඉරානයට එල්ල කරන ලද නව ප්රහාර සමඟ එක්සත් ජනපදයට කිසිදු සම්බන්ධයක් නොමැති බවයි.
ඉරානයෙන් අනතුරු ඇඟවීමක් සහ ට්රම්ප්ගේ ප්රතිචාරය
කෙසේ වෙතත්, ඉරානය විසින් ඊශ්රායලයට එල්ල කරන සිය පළිගැනීමේ ප්රහාර නැවැත්වීමට උදව් නොකරන ලෙස අමෙරිකාව, ප්රංශය සහ එක්සත් රාජධානියට අනතුරු අඟවා තිබුණා. යම් හෙයකින් එසේ වුවහොත්, කලාපයේ පිහිටි එම රටවල් තුනට අදාළ හමුදා කඳවුරු සහ නැව් ඉලක්ක කර ප්රහාර එල්ල කරන බව ඉරානය පෙන්වා දී තිබුණා.
මීට පිළිතුරු දෙමින් අමෙරිකානු ජනාධිපති ඩොනල්ඩ් ට්රම්ප් අවධාරණය කළේ, යම් ආකාරයකින් හෝ පහර දීමක් සිදුවුවහොත්, ඉරානයට එක්සත් ජනපද හමුදාවන්ගේ පූර්ණ ශක්තිය සහ බලය දැක ගත හැකි වනු ඇති බවයි. “ඉරානය අපට කිසියම් ආකාරයකින්, ස්වරූපයෙන් හෝ ආකාරයකින් පහර දුන්නොත්, එක්සත් ජනපද සන්නද්ධ හමුදාවන්ගේ සම්පූර්ණ ශක්තිය සහ බලය පෙර කිසිදා නොදුටු මට්ටමකින් ඔබ මතට වැටෙනු ඇත,” යනුවෙන් ට්රම්ප් සිය ගිණුමේ සටහන් කර තිබෙනවා.
