රට තුළ පවතින අයහපත් කාලගුණ තත්ත්වය හේතුවෙන් ගතවූ දින 10ක කාලය තුළ ආපදා මරණ සංඛ්යාව 31ක් දක්වා ඉහළ ගොස් ඇති බව ආපදා කළමනාකරණ මධ්යස්ථානය (DMC) පවසයි.
පසුගිය නොවැම්බර් මස 17 වැනි දින සිට අද (නොවැම්බර් 27) දක්වා දිස්ත්රික්ක 17ක් සහ ප්රාදේශීය ලේකම් කොට්ඨාස 79ක් ආපදාවට ලක් වී තිබේ.
ආපදා තත්ත්වයේ සාරාංශය:
- මරණ සංඛ්යාව: 31
- අතුරුදන්: 14 දෙනෙක්
- තුවාල ලැබූවන්: 10 දෙනෙක්
- ආපදාවට ලක් වූ පිරිස: පවුල් 1,158කට අයත් පුද්ගලයින් 4,008ක්.
- සුරක්ෂිත මධ්යස්ථාන: පවුල් 41කට අයත් පුද්ගලයින් 131ක් සුරක්ෂිත මධ්යස්ථාන 5ක තාවකාලිකව නවතා තිබේ.
ආපදා හේතුවෙන් පවුල් 136කට අයත් පුද්ගලයින් 472 දෙනෙකු මේ වනවිට ඥාති නිවාසවල නතරවී සිටින බව ආපදා කළමනාකරණ මධ්යස්ථානය වැඩිදුරටත් සඳහන් කළේය.