මෙක්සිකානු කෙටි චිත්රපට නිළියක වන මාසෙලා රොඩ්රිගස් ගෙඹි විෂක් ශරීරගත කිරීමෙන් මිය ගොස් තිබේ.
විදෙස් ජනමාධ්ය වාර්තාවලට අනුව, 33 හැවිරිදි එම නිළිය ශරීරය සුවපත් කිරීමේ මෙකිසිකානු සම්ප්රදායික චාරිත්රයකට අනුව ගෙඹි විෂ ශරීරගත කර තිබේ.
දකුණු අමෙරිකාවේ සමහර ප්රදේශවල ක්රියාත්මක වන භයානක සම්ප්රදායික චාරිත්රයක් වන ‘කම්බෝ චාරිත්රය’ සඳහා රොඩ්රිගස් සහභාගී වී ඇති අතර එහිදී ජලය පානය කිරීම, ගෙම්බන්ගේ විෂ ශරීරගත කිරීම, ශරීරයට සිදුකරන පිළිස්සුම් සහ තවත් බොහෝ දේ විෂ ද්රව්ය මගින් විෂ ඉවත් කිරීමට හැකි බව පැවසේ.
මෙම චාරිත්රවලට අනුව සහභාගිවන්නන්ට ජලය ලීටර් එකකට වඩා පානය කිරීමට සලස්වා, පසුව සමේ කුඩා පිළිස්සුම් ඇති කරයි.
එම පිළිස්සුම් තුවාල ගෙඹි ශ්ලේෂ්මලයෙන් ආවරණය කරනු ලැබේ.
එහි අඩංගු විෂ හේතුවෙන් සහභාගිවන්නාගේ රුධිර පීඩනය වැඩි වන අතර ශරීරයෙන් විෂ ඉවත් කිරීම සඳහා වමනය කරවයි.
මෙම චාරිත්රයට සහභාගී වීමෙන් පසුව, රොඩ්රිගස් ‘සුව කිරීමේ ක්රියාවලියේ’ අංගයක් ලෙස සැළකෙන දරුණු පාචනය තත්ත්වයකට සහ වමනය අත්විඳ ඇති බව වාර්තා වේ.
කෙසේවෙතත්, ඇයගේ තත්ත්වය නරක අතට හැරීමත් සමඟ ඇයව අසල පිහිටි රෝහලකට රැගෙන ගියද, ප්රතිකාර ලබමින් සිටියදී ඇය මියගොස් ඇත.
