අද දින පාර්ලිමේන්තු මැතිවරණයේ ඡන්ද විමසීම පැවැත්වෙන බැවින් කොළඹ කොටස් හුවමාරුවේ ගණුදෙනු සිදු කරන වේලාවන් සිමාකර තිබෙනවා.
ඒ අනුව, අද උදෑසන 9.30 සිට දහවල් 12.30 දක්වා ගණුදෙනු සිදුකරන බවයි කොටස් හුවමාරුව සදහන් කළේ.
ලබන 18 වනදා සිට යළිත් කොටස් හුවමාරුවේ ගණුදෙනු යළි ආරම්භ වනු ඇති.
මේ අතර, මාස 35කට පසු කොළඹ කොටස් වෙළෙඳපොළේ සියලු කොටස් මිල දර්ශකය ඊයේ ඒකක 13000 සීමාව ඉක්ම ගියා.
දිනය නිමා වනවිට සියලු කොටස් මිල දර්ශකය සටහන් වූයේ ඒකක 13125.19ක් ලෙසයි.
පිරිවැටුම රුපියල් බිලියන 6.9ක් ලෙස සටහන් වුණා.
