ශ්රී ලංකා රේගුව ඔක්තෝබර් 15 වන දින සිය ඉතිහාසයේ වාර්තාගත ඉහළම දෛනික ආදායම් එකතුව සනිටුහන් කරමින් ඓතිහාසික සන්ධිස්ථානයක් සටහන් කර තිබේ.
රේගු දෙපාර්තමේන්තුවට අනුව, 2025 ඔක්තෝබර් 15 වන දින බදු ආදායම් ලෙස රුපියල් මිලියන 2,470ක වාර්තාගත මුදලක් (රුපියල් බිලියන 2.47ක්) රැස් කර ඇත.
එම දිනය වන විට, මේ වසර සඳහා එකතු කර ඇති මුළු ආදායම රුපියල් බිලියන 1,867ක් ලෙස දැක්වේ.
මෙම ඉහළ කාර්ය සාධනයත් සමඟ, 2025 වසර සඳහා රේගුවට නියම කර ඇති රුපියල් බිලියන 2,115ක වාර්ෂික ආදායම් ඉලක්කය සාක්ෂාත් කර ගැනීම පහසු වී, ඉදිරි මාසවලදී එය ඉක්මවා යෑමට ඉඩ ඇති බවද රේගු දෙපාර්තමේන්තුව සඳහන් කරයි.
