සංවිධානාත්මක අපරාධකරුවන් 30කට ආසන්න පිරිසකගේ නීති විරෝධී වත්කම් පිළිබඳව පුළුල් විමර්ශන මාලාවක් ආරම්භ කර ඇති බව පොලීසිය පවසයි.
මෙම විමර්ශන, නීති විරෝධී වත්කම් විමර්ශන කොට්ඨාසයේ (Illegal Assets Investigation Division) මෙහෙයවීමෙන් සිදු කෙරෙනු ඇත.
මේ වන විටත් “කෙහෙල්බද්දර පද්මේ” නමැත්තාට අයත් එවැනි නීති විරෝධී දේපොළ කිහිපයක් හඳුනාගෙන තිබේ. ඒ අනුව, රුපියල් කෝටි පහක් වටිනා ගම්පහ, කෙහෙල්බද්දර ප්රදේශයේ පිහිටි පර්චස් 28ක ඉඩමක් පසුගියදා ක්රියා විරහිත කරන ලදී.
තවද, “ලොකු පැටී” නමැති අපරාධකරුට අයත් නීති විරෝධී දේපොළ කිහිපයක්ද මේ වන විට හඳුනාගෙන ඇති බව පොලීසිය සඳහන් කරයි.
මුදල් විශුද්ධිකරණය වැළැක්වීමේ පනත යටතේ (Prevention of Money Laundering Act) එම දේපොළ සම්බන්ධයෙන් අධිකරණයට කරුණු වාර්තා කිරීමට නියමිතය.
