බංග්ලාදේශයේ හින්දු ජාතික තරුණයෙකු අමානුෂික ලෙස ඝාතනය කිරීමේ සිද්ධියට සම්බන්ධ පුද්ගලයින් හත්දෙනෙකු එරට ආරක්ෂක අංශ විසින් අත්අඩංගුවට ගෙන තිබේ. ඉස්ලාම් ආගම සම්බන්ධයෙන් අපහාසාත්මක ප්රකාශයක් කළ බවට චෝදනා කරමින්, ඇඟලුම් කර්මාන්තශාලා සේවකයෙකු වූ 27 හැවිරිදි මෙම තරුණයාට පිරිසක් විසින් පහර දී පසුව සිරුරට ගිනි තබා ඇති බව වාර්තා වේ.
මෙම අවාසනාවන්ත සිදුවීම බංග්ලාදේශ රජය සහ එරට ආගමික කවුන්සිලය විසින් දැඩි ලෙස හෙළා දැක ඇත. ආගමික කවුන්සිලය පෙන්වා දෙන්නේ මෙවැනි ක්රියා රට තුළ පවතින වාර්ගික සහ ආගමික සහජීවනයට දැඩි තර්ජනයක් වන බවයි. බංග්ලාදේශය වැනි ශිෂ්ට සම්පන්න රටක් තුළ එවැනි ප්රචණ්ඩකාරී ක්රියාවලට කිසිසේත්ම ඉඩක් නොමැති බව රජය අවධාරණය කර තිබේ.
සිද්ධිය සම්බන්ධයෙන් විශේෂ විමර්ශනයක් ආරම්භ කළ එරට පොලිසිය, වයස අවුරුදු 19ත් 46ත් අතර පසුවන පුද්ගලයින් හත්දෙනෙකු මේ වන විට අත්අඩංගුවට ගෙන ඇත. අත්අඩංගුවට ගත් පිරිස අතර සිද්ධිය මෙහෙයවූ ප්රධාන සැකකරුවන් ද සිටින බව විදෙස් මාධ්ය වාර්තා පවසයි.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
