ජාත්යන්තර පාරිභෝගික අයිතිවාසිකම් දිනය අදට (15) යෙදී තිබේ.
පාරිභෝගික ආරක්ෂාව, සාධාරණ වෙළෙඳාම සහ තිරසාර පරිභෝජනය ප්රවර්ධනය යන කෙරෙහි මෙම දිනයේ දී වැඩි අවධානය යොමු කෙරෙන බව පාරිභෝගික කටයුතු පිළිබඳ අධිකාරිය පවසයි.
අදට යෙදී ඇති ජාත්යන්තර පාරිභෝගික අයිතිවාසිකම් දිනය පිළිබඳව කරුණු පැහැදිලි කරන පාරිභෝගික කටයුතු පිළිබඳ අධිකාරියේ තොරතුරු හා පාරිභෝගික කටයුතු අධ්යක්ෂ අසේල බණ්ඩාර මහතා.
“මෙවර ජාත්යන්තර පාරිභෝගික අයිතිවාසිකම් දිනයේ මාතෘකාව වෙලා තියෙන්නේ තිරසර ජීවන රටාවකට සාධාරණ සංක්රමණයක් කියන මාතෘකාව. මේ මාතෘකාව මේ වසරේ අරගෙන තියෙන්නේ පරිසරයට අනුවර්ථනය වූ වගකීමෙන් පිරුණූ ජීවන රටා ගැන දැනුම්වත් කිරීමේ වැදගත්කම ගැන කාලීනව අවධානය යොමු කරලා තමයි පාරිභෝගික ජාත්යන්තරය මෙම වසරේ මේ මාතෘකාව අරගෙන තියෙන්නේ. විශේෂයෙන්ම තිරසර සහ සෞඛ්ය සම්පන්න සහ සාධාරණ තේරීම් සියලුම පාරිභෝගිකයින්ට ප්රවේශ වියහැකි සහ දැරියහැකි මිලකට ලබාගත හැකි බවවීම සහතික කිරීම අවධාරණය කර තිබෙනවා. විශේෂයෙන්ම අපේ පාරිභෝගික අධිකාරිය විසින් ඒ නීතිරීත සම්බන්ධයෙන් දැනුම්වත් කරනවාට අමතරව ආහාර සුරක්ෂිත කිරීමේ වැදගත්කම පාරිභෝගිකයින් ලෙස හැකි සෑමවිටම තිරසර නිෂ්පාදන සඳහා යොමු වීමට ඇති වැදගත්කම වගේම සදාචාරාත්මක ව්යාපාර සඳහා සහයෝගය දැක්වීම සම්බන්ධයෙන් වැඩි අවධානයක් යොමු කරලා ඉදිරියේ දී කටයුතු කරනවා.”
