දිවයින පුරා පළාත් සහ ජාතික පාසල්වල ගුරු පුරප්පාඩු 36,178ක් පවතින බව අධ්යාපන, උසස් අධ්යාපන හා වෘත්තීය අධ්යාපන අමාත්ය, අග්රාමාත්ය හරිනි අමරසූරිය මැතිනිය පවසයි.
අද (ඔක්තෝබර් 21) පාර්ලිමේන්තුවේ දී ප්රශ්නයකට පිළිතුරු දෙමින් අග්රාමාත්යවරිය සඳහන් කර සිටියේ, ජාතික පාසල්වල පුරප්පාඩු 1,501ක් ඇති බවය.
පළාත් පාසල්වල වාර්තා වී ඇති ගුරු පුරප්පාඩු මෙසේය: බස්නාහිර – 4,630ක්, දකුණ – 2,513ක්, මධ්යම – 6,318ක්, වයඹ – 2,990ක්, ඌව – 2,780ක්, උතුරු මැද – 1,568ක්, නැගෙනහිර – 6,613ක්, සබරගමුව – 3,994ක් සහ උතුරු පළාත – 3,271ක්.
මෙම පුරප්පාඩු පියවීම සඳහා, පසුගිය 2024.07.28 වන දින සිට ජාතික පාසල්වල විද්යා, ගණිත, තාක්ෂණ විෂයන්, විදේශ භාෂා සහ 13 වසරක අඛණ්ඩ විෂයන් සඳහා මෙන්ම අ.පො.ස. උසස් පෙළ සිංහල, ඉංග්රීසි සහ දෙමළ මාධ්ය පුරප්පාඩු සඳහා බඳවා ගැනීම් සිදු කර ඇති බව අග්රාමාත්යවරිය පැවසුවාය.
එහිදී ගුරු සේවයේ තුන්වන (ආ) 1 ශ්රේණීයට අයත් වැඩභාර නොගත් උපාධිධාරීන් 353ක් ඉදිරි මාස 2ක තුළ බඳවා ගැනීමට නියමිත බව ද ඇය සඳහන් කළාය.
මීට අමතරව පවතින ගුරු සේවයේ පුරප්පාඩු සම්පූර්ණ කිරීමට අග්රාමාත්ය ලේකම්ගේ ප්රධානත්වයෙන් පිහිටුවා ඇති බඳවා ගැනීම් සමාලෝචන කමිටුවට ඉල්ලීම් ඉදිරිපත් කර, එම පුරප්පාඩු සම්පූර්ණ කිරීමට අවශ්ය ඉදිරි ක්රියාමාර්ග ඉක්මනින් ගන්නා බව ද අග්රාමාත්යවරිය වැඩිදුරටත් කියා සිටියාය.
