බන්ධනාගාරගතව සිටින සංවිධානාත්මක අපරාධ ජාල සම්බන්ධ පුද්ගලයන් 556 දෙනෙකු වර්තමානයේ අධීක්ෂණය යටතේ පවතින බව මහජන ආරක්ෂක අමාත්ය ආනන්ද විජේපාල පාර්ලිමේන්තුවේදී ප්රකාශ කළේය.
මෙම අධීක්ෂණ මෙහෙයවන්නේ පොලිසිය සහ බුද්ධි අංශයන් එක් වීමෙන් මඟින් බවද ඇමතිවරයා අවධාරණය කළේ ය.
අමාත්යවරයා සඳහන් කළේ, 2025 වසරේ මේ දක්වා කාලය තුළ සංවිධානාත්මක අපරාධකරුවන් වෙතින් වෙඩි තැබීම් 103ක් සිදු වී ඇති අතර, ඒ සම්බන්ධයෙන් වෙඩික්කරුවන් 33 දෙනෙකු ඇතුළු සැකකරුවන් 322 දෙනෙකු අත්අඩංගුවට ගෙන ඇති බවයි.
එමෙන්ම, මේ වසරේ දී පොලීසිය භාරයට ගෙන ඇති නීති විරෝධී ගිනිඅවි 1,698 අතර T-56 ගිනිඅවි 58 ක් සහ පිස්තෝල 61 ක්ද ඇතුළත් බව ඇමති විජේපාල වැඩිදුරටත් කියා සිටියේය.
