නාවලපිටිය නගර සභාවට අයත් සුපිරි වෙළෙඳ සංකීර්ණයේ බදු මුදල් ගෙවීම පැහැර හැර තිබූ වෙළෙඳසැල් 15ක් මුද්රා තබා රජයට පවරා ගැනීමට මධ්යම පළාත් ආදායම් පරීක්ෂකවරුන් අද (07) පියවර ගෙන තිබේ. රුපියල් ලක්ෂ 150කට ආසන්න හිඟ බදු මුදල් අයකර ගැනීම වෙනුවෙන් මධ්යම පළාත් ලේකම්වරියගේ නියෝගයක් මත මෙම වැටලීම සිදු කෙරිණි.
2010 වසරේදී මහින්ද චින්තන වැඩපිළිවෙළ යටතේ ඉදිකරන ලද මෙම වෙළෙඳ සංකීර්ණය කඩ කාමර 187කින් සමන්විතය. මුලින් රුපියල් 1,000ක මාසික කුලියකට ලබා දී තිබූ මෙම වෙළෙඳසැල්, 2018 වසරේ සිදුකළ තක්සේරුවකට අනුව රුපියල් 8,000ක් දක්වා ඉහළ දැමීමට තීරණය විය. එහෙත් එම තක්සේරු මුදල වැඩි බව පවසමින් ව්යාපාරිකයන් පිරිසක් බදු ගෙවීම පැහැර හැර ඇති අතර, ඒ සම්බන්ධයෙන් කොළඹ වාණිජ මහා අධිකරණයේ පවරා තිබූ නඩුව ද මීට පෙර නිෂ්ප්රභ විය.
මධ්යම පළාත් සභාවේ ආදායම් පරීක්ෂක ආර්.එම්. රත්නායක මහතා සඳහන් කළේ, වෙළෙඳසැල් මුද්රා තබන අවස්ථාවේදී ඇතැම් ව්යාපාරිකයන් රුපියල් ලක්ෂ 100ක පමණ හිඟ මුදල් පියවීමට කටයුතු කළ බවයි. කෙසේ වෙතත්, හිඟ මුදල් ගෙවීමට අපොහොසත් වූ ව්යාපාරික ස්ථාන 15ක් නාවලපිටිය පොලිසියේ සහය ඇතිව මෙලෙස මුද්රා තබා නගර සභාවට පවරා ගනු ලැබීය.
