ඊයේ (18) රාත්රී කාලයේදී අඹේපුස්ස – ත්රිකුණාමලය මාර්ගයේ පැල්වැහැර ප්රදේශයේදී ත්රිරෝද රථයක් ලොරි රථයක ගැටී සිදුවූ අනතුරකින් අවුරුදු 54ක් වූ නෙදර්ලන්ත ජාතික කාන්තාවක් මියගොස් තිබේ.
දඹුල්ල දෙස සිට හබරණ දෙසට ධාවනය වූ මෝටර් රථයක් වෙළෙඳසැලක් ඉදිරිපිට නැවැත්වීම සඳහා මාර්ගයේ වම්පසට ගන්නා අවස්ථාවේදී එම මෝටර් රථයේ පිටුපසින් එම දෙසටම ධාවනය වූ ත්රිරෝද රථයක් මෝටර් රථයේ පිටුපස ගැටී අනතුරක් සිදුව ඇති අතර එම අනතුරින් කිසිවෙකුටත් තුවාල සිදුව නොමැත. නමුත් එම දිසාවටම ගමන් ගත් තවත් ත්රිරෝද රථයක් ඉහත වාහනවල ගැටීම වළක්වා ගැනීම සඳහා එක්වරම මාර්ගයේ දකුණු පසට හැරවීමේදී විරුද්ධ දෙසින් පැමිණි ලොරි රථයක ගැටී අනතුරක් සිදුව තිබේ.
එම අනතුරින් ත්රිරෝද රථයේ ගමන් කළ විදෙස් ජාතික පිරිමි පුද්ගලයින් 02 කු හා කාන්තාවන් 02 බරපතළ තුවාල ලබා දඹුල්ල රෝහලට ඇතුළත් කිරීමෙන් පසු එක් කාන්තාවක් මියගොස් ඇත.
