මුදල් කොමිෂන් සභාව විසින් ඉදිරිපත් කරන ලද නිර්දේශ පාර්ලිමේන්තුව වෙත ඉදිරිපත් කිරීම සඳහා කැබිනට් මණ්ඩලයේ අනුමැතිය හිමි වී තිබේ.
ආණ්ඩුක්රම ව්යවස්ථාවේ 13 වන සංශෝධනය යටතේ පිහිටුවා ඇති මුදල් කොමිෂන් සභාවට, පළාත් සභා සඳහා අවශ්ය සම්පත් පිළිබඳව නිර්දේශ කිරීම සහ ජාතික අයවැයෙන් වෙන් කෙරෙන ප්රදානයන් පළාත් සභා අතර බෙදා හැරීමට අනුගමනය කළ යුතු මූලධර්ම පිළිබඳව නිර්දේශ කිරීමේ ව්යවස්ථාපිත බලය පැවරී ඇත.
ඒ අනුව, 2026 ජාතික අයවැයෙන් පළාත් සභා සඳහා වෙන් කෙරෙන ප්රාග්ධන ප්රදාන සහ පුනරාවර්තන වියදම් ගැලපීම පිළිබඳව මුදල් කොමිෂන් සභාව විසින් සිය නිර්දේශ ජනාධිපතිවරයා වෙත ඉදිරිපත් කරනු ලැබීය.
එම නිර්දේශ ක්රියාත්මක කිරීමට සහ ව්යවස්ථා විධිවිධාන අනුව පාර්ලිමේන්තුව වෙත ඉදිරිපත් කිරීමට ජනාධිපතිවරයා ඉදිරිපත් කළ යෝජනාවට අමාත්ය මණ්ඩලය විසින් අනුමැතිය ලබා දී ඇත.
