ඉදිරියේදී ජපානයට ප්රබල භූකම්පනයක් එනම් රික්ටර් පරිමාණයේ ඒකක 8ත් 9ත් අතර අගයක් සහිත භූ කම්පනයක් ඇති වීමේ ප්රවණතාවයක් පවතින බව එරට රාජ්ය වාර්තා උපුටා දක්වමින් රොයිටර් පුවත් සේවය වාර්තා කර තිබේ.
ජපාන රාජ්ය වාර්තා වැඩිදුරටත් සඳහන් කර ඇත්තේ, මෙම භූකම්පනය ඇති වීමේ ඉඩ 80%ක් බවත් එම භූකම්පනයෙන් ජීවිත 300,000ක් පමණ අහිමිවිය හැකි බව ද අදාළ වාර්තා හෙළිදරව් කර තිබේ.
එම භූකම්පනය ඇති වුවහොත් ජපානයට සූනාමි තත්ත්වයක්ද ඇති විය හැකි බවත් ගොඩනැගිලි සිය ගණනක් විනාශ විය හැකි බවත් අදාළ වාර්තා සඳහන් කර තිබෙන අතර මෙම භූකම්පනය පැසිෆික් වෙරළ තීරය ආශ්රිතව ඇතිවිය හැකි බවට ද පුරෝකථනය කර ඇත.
භූකම්පනය හේතුවෙන් ජපානයේ ආර්ථිකයට ඩොලර් ට්රිලියන 1.81ක් පමණ අහිමි විය හැකි බවද අදාළ වාර්තාවල වෙයි.
