සතිඅන්ත නිවාඩුව හේතුවෙන් මේ දිනවල නුවරඑළිය නගරය දෙස් විදෙස් සංචාරකයන්ගෙන් පිරී පවතී. විශේෂයෙන්ම අලුයම් කාලයේ නුවරඑළිය ප්රදේශයට පතිත වන මල්තුහින දැකබලා ගැනීම සඳහා සංචාරකයන් විශාල උනන්දුවක් දක්වන බව පෙනෙන්නට තිබේ.
කාලගුණ විද්යා දෙපාර්තමේන්තුවේ දත්තවලට අනුව, පසුගිය ජනවාරි 22 වනදා නුවරඑළියෙන් සෙල්සියස් අංශක 3.5 ක අවම උෂ්ණත්වයක් වාර්තා වූ අතර, එය 2009 වසරෙන් පසු එනම් වසර 17 කට පසුව ශ්රී ලංකාවෙන් වාර්තා වූ අඩුම උෂ්ණත්වය ලෙස ඉතිහාසයට එක්විය. අද (25) දිනයේ ද දිවයිනේ අවම උෂ්ණත්වය නුවරඑළියෙන් වාර්තා වී ඇති අතර එය සෙල්සියස් අංශක 9.7 ක් ලෙස සටහන්ව ඇත.
