රජයේ සේවාවන් වඩාත් කාර්යක්ෂමව මහජනතාවට ලබා දීම සඳහා ‘රජයේ සුපර් ඇප් (Government SuperApp)’ නම් නව ඩිජිටල් යෙදුමක් නිර්මාණය කිරීමට කැබිනට් අනුමැතිය ලැබී තිබේ.
වර්තමානයේ විවිධ රජයේ දෙපාර්තමේන්තු හරහා සේවා ලබා ගැනීමේදී පුරවැසියන්ට මුහුණ දීමට සිදුවන අපහසුතා සහ දත්ත නැවත නැවත ඇතුළත් කිරීම් වළක්වා ගැනීම මෙම ව්යාපෘතියේ ප්රධාන අරමුණයි. වාර්ෂිකව රුපියල් මිලියන 500කට අධික ආර්ථික හානියක් සිදු කරන බවට ඇස්තමේන්තු කර ඇති මෙම ගැටලුවට විසඳුමක් ලෙස මෙය හඳුන්වා දී ඇත.
මෙම ව්යාපෘතිය මගින් සියලුම රාජ්ය සේවාවන් පොදු සහ භාවිතයට පහසු ජංගම දුරකථන සහ වෙබ් යෙදුමකට ඒකාබ්රද්ධ කිරීමට සැලසුම් කර ඇත. එමගින්, වයස අවුරුදු 18ට වැඩි ශ්රී ලාංකිකයන් මිලියන 14ක් සහ වාර්ෂිකව පැමිණෙන සංචාරකයන් මිලියන 2ක් සඳහා තනි අතුරු මුහුණතක් හරහා රාජ්ය සේවාවලට පහසුවෙන් ප්රවේශ වීමට අවස්ථාව සැලසේ.
ඩිජිටල් ආර්ථික අමාත්යවරයා ලෙස ජනාධිපතිවරයා විසින් ඉදිරිපත් කරන ලද මෙම යෝජනාව, 2025-2026 කාලය තුළ අදියර දෙකක් යටතේ ක්රියාත්මක කිරීමට නියමිත අතර, ඒ සඳහා වැය වන සම්පූර්ණ පිරිවැය රුපියල් මිලියන 500ක් බව සඳහන් වේ.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
