මැදපෙරදිග රටවල් කිහිපයක් කටාර් සහ ඉරාකයේ පිහිටි අමෙරිකානු කඳවුර ඉලක්ක කර එල්ල වූ ඉරාන මිසයිල ප්රහාරය හෙළාදැක තිබේ.
සවුදි අරාබිය, කටාර්, ඊජිප්තුව, ඉරාකය සහ ජෝර්දානය යන රටවල් මෙම ප්රහාරය හෙළා දැක ඇති බවයි විදෙස් මාධ්ය වාර්තා කරන්නේ.
ඊයේ (23) කටාර්හි පිහිටි අමෙරිකානු හමුදා කඳවුරකට සහ ඉරාකයේ පිහිටි අමෙරිකානු කඳවුරකට ඉරානය විසින් මිසයිල ප්රහාර එල්ල කරනු ලැබීය.
කටාර් රජය නිවේදනයක් නිකුත් කරමින් ප්රකාශ කර තිබුණේ, කටාර්හි පිහිටි අල් උදෙයිඩ් හමුදා කඳවුරට එල්ල වූ ප්රහාරය සාර්ථකව ව්යාර්ථ කළ බවයි.
ඉරානය විසින් මිසයිල ප්රහාර 12ක් අදාළ කඳවුර වෙත එල්ල කර ඇති අතර ඉන් 11ක්ම විනාශ කිරීමට හැකිවූ බව ඔවුන් පෙන්වා දෙයි.
විදෙස් මාධ්ය වාර්තා කරන්නේ, අදාළ ප්රහාරය සිය රාජ්යයේ ස්වෛරීභාවය, ජාත්යන්තර නීතිය සහ එක්සත් ජාතීන්ගේ ප්රඥප්තිය දැඩි ලෙස උල්ලංඝනය කිරීමක් බව ද කටාර් රජය පෙන්වා දී ඇති බවයි.
පසුගිය සෙනසුරාදා දිනයේ අමෙරිකාව විසින් ඉරානයේ න්යෂ්ටික බලාගාර 3කට සිදුකළ පහරදීමට ප්රතිප්රහාර ලෙස ඉරානය විසින් මෙම ප්රහාරය එල්ල කර ඇති බව විදෙස් මාධ්ය වාර්තා කර තිබුණි.
