ශ්රී ලංකාවේ ඉන්දුනීසියානු තානාපතිනි ඩිවි ගුස්ටිනා ටොබිං ( Dewi Gustina Tobing ) මහත්මිය සහ ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්ය ආචාර්ය උපාලි පන්නිල අතර හමුවක් ඊයේ (22) බත්තරමුල්ල, සෙත්සිරිපාය, අමාත්යංශ පරිශ්රයේදී සිදු විය.
ඉදිරි සංවර්ධන ඉලක්ක ජය ගැනීමට වත්මන් රජය ගෙන ඇති ක්රියාමර්ග සහ ශ්රී ලංකාවේ දිළිඳුබව තුරන් කිරීමට ආරම්භ කර ඇති වැඩසටහන් පිළිබඳව අගය කළ තානාපතිතුමිය ඉදිරියේදී ශ්රී ලංකා රජයේ වැඩපිළිවෙලට සහය ලබාදෙන බව ද සඳහන් කළාය.
එහිදී දෙරට අතර පවත්නා රාජතාන්ත්රික සබඳතවන්හි වැදගත්කම පෙන්වා දුන් අමාත්යවරයා ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්යංශය මගින් ක්රියාත්මක සංවර්ධන වැඩසටහන් සහ සවිබලගැන්වීමේ ව්යාපෘති පිළිබඳව තානාපතිතුමිය දැනුම්වත් කර තිබුණි.
මෙම අවස්තාවට ඉන්දුනීසියානු තානාපති කාර්යාලයේ දේශපාලන සම්බන්ධීකාරක Laial K. Unniarti මහත්මිය ද එක්ව සිටියාය.
