වසර 19ක් පුරා ක්රියාත්මක වූ ශ්රී ලංකා පාර්ලිමේන්තුවේ නිල වෙබ් අඩවිය නව විශේෂාංග රැසක් සමඟින් නව්යකරණය කර, කථානායක වෛද්ය ජගත් වික්රමරත්න මහතාගේ ප්රධානත්වයෙන් පසුගියදා එළිදක්වනු ලැබීය. මෙම අවස්ථාවට නියෝජ්ය කථානායක වෛද්ය රිස්වි සාලි මහතා ඇතුළු පිරිසක් සහභාගි වූහ.
2006 වර්ෂයේදී ප්රථම වරට නිර්මාණය කළ පාර්ලිමේන්තු වෙබ් අඩවිය මෙලෙස තෙවන වරට නව්යකරණයට ලක් කර ඇත.
නව පාර්ලිමේන්තු වෙබ් අඩවිය නවීන අවශ්යතාවන්ට ගැලපෙන ලෙස වඩාත් පහසුවෙන් ප්රවේශ වීමේ හැකියාව සහ විශේෂාංග රැසක් එක් කරමින් නිර්මාණය කර තිබේ.
වෙබ් අඩවියේ ඇති “මගේ පාර්ලිමේන්තුව” (My Parliament) ද්වාරය මඟින් සෑම පුරවැසියෙකුටම පාර්ලිමේන්තුව සහ එහි මන්ත්රීවරුන් සමඟ සෘජුවම සම්බන්ධවීමේ හැකියාව ලබා දී ඇත.
වෙබ් අඩවියේ ලියාපදිංචි වීම ඔස්සේ මහජනතාවට පාර්ලිමේන්තුව මඟින් සපයන සේවාවන් වඩාත් පහසුවෙන් ලබා ගැනීමට අවස්ථාව හිමි වන අතර, පාර්ලිමේන්තුව සමඟ කටයුතු කරන රාජ්ය සේවකයින්ට ද එම කටයුතු පහසු කර ගැනීමට අවස්ථාව සලසා දී තිබේ.
ජාතික ප්රජාතන්ත්රවාදී ආයතනයේ (NDI) පූර්ණ අනුග්රහයෙන් සහ ටෙක්ගීක්ස් (පුද්) සමාගම සමඟ සහයෝගයෙන් පාර්ලිමේන්තුවේ තොරතුරු පද්ධති හා කළමනාකරණ දෙපාර්තමේන්තුව විසින් මෙම ප්රතිසංස්කරණ කටයුතු සිදු කරන ලදී.
![web template[1]-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/04/web-template1-Recovered-Recovered-Recovered-Recovered-Recovered-Recovered-2.png)
![web template[1]-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/04/web-template1-Recovered-Recovered-Recovered-Recovered-Recovered-Recovered-1.png)
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
