පසුගිය සැප්තැම්බර් 29 වැනිදා සවස් කාලයේ සහ රාත්රියේදී ග්රෑන්ඩ්පාස් සහ දෙහිවල පොලිස් වසම්වලින් සැකකටයුතු මළසිරුරු දෙකක් සොයාගෙන ඇති අතර, ඒ පිළිබඳව පොලිසිය විසින් විමර්ශන ආරම්භ කර තිබේ.
සැප්තැම්බර් 29 වන දින සවස් කාලයේදී ග්රෑන්ඩ්පාස් පොලිස් වසමේ ඉඟුරුකඩේ හන්දිය අසල ජාඩි ඇලේ සැකකටයුතු ලෙස මියගිය පුද්ගල මෘත ශරීරයක් ඇති බවට ග්රෑන්ඩ්පාස් පොලිස් ස්ථානයට තොරතුරක් ලැබී ඇත.
මරණකරුගේ අනන්යතාවය මෙතෙක් තහවුරු වී නොමැති අතර, ඔහු වයස අවුරුදු 35 ත් 40 ත් අතර පසුවන පිරිමි පුද්ගලයෙකි. මෘත ශරීරය අඩි 05 අඟල් 04 ක් පමණ වන අතර, කළු පැහැති කොට කලිසමක් හා කළු පැහැති ටීෂර්ට් එකක් ඇඳ සිටි බව වාර්තා වේ.
මෘත ශරීරය කොළඹ ජාතික රෝහලේ මෘත ශරීරාගාරයේ තැන්පත් කර ඇති අතර, ග්රෑන්ඩ්පාස් පොලිසිය වැඩිදුර විමර්ශන සිදු කරයි.
එම දිනයේම රාත්රී කාලයේදී දෙහිවල පොලිස් වසමේ සිරිවර්ධන පාර ප්රදේශයේ නිවසක සැකකටයුතු ලෙස පුද්ගලයෙකු මියගොස් ඇති බවට දෙහිවල පොලිසියට තොරතුරක් ලැබී ඇත.
මියගිය පුද්ගලයා වයස අවුරුදු 23ක් වූ දෙහිවල ප්රදේශයේ පදිංචිකරුවෙකි.
මෘත ශරීරය පශ්චාත් මරණ පරීක්ෂණය සඳහා කළුබෝවිල රෝහලේ මෘත ශරීරාගාරයේ තැන්පත් කර ඇති අතර, දෙහිවල පොලිසිය ද වැඩිදුර විමර්ශන සිදු කරයි.
