සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා අද (18) පෙරවරුවේ ස්විට්සර්ලන්තය බලා පිටත්ව ගොස් තිබේ.
ඒ ලෝක සෞඛ්ය සංවිධානයේ 78 වන වාර්ෂික මහා සමුළුවට සහභාගී වීම සඳහාය.
මෙම සමුළුව සඳහා සියලු රටවල සෞඛ්ය ක්ෂේත්ර නියෝජනය කරමින් රාජ්ය නිලධාරීන් පන්දහසකට අධික ප්රමාණයක් ද මෙම සමුළුවට සහභාගී වීමට නියමිතය.
සමුළුව සඳහා එක්වන සියලු පිරිස්වල සහභාගීත්වයෙන් මෙහිදී පුළුල් කථිකාවක් පැවැත්වීමට සැලැසුම් කර ඇති අතර එහිදී ඉදිරිපත් වන යෝජනා, අදහස් හා පර්යේෂණ දත්ත ආශ්රයෙන් ඉදිරි වසර තුළ ලොව පුරා සෞඛ්ය තත්ත්වයන් නඟා සිටුවීමට අවශ්ය ප්රතිපාදන සහ තීරණ ගැනීමටත්, ඊට අදාළ ඉදිරි සැලසුම් සකස් කිරීමටත් නියමිතය.
