පදියතලාව ප්රාදේශීය සභාවේ බලය පිහිටුවීමේදී පක්ෂයේ උපදෙස් නොතකා කටයුතු කිරීම හේතුවෙන් සර්වජන බලය පක්ෂයේ සභික චතුන් ඉරංගිකගේ පක්ෂ සාමාජිකත්වය වහාම අත්හිටුවීමට එම පක්ෂය පියවර ගෙන තිබේ.
සර්වජන බලය පක්ෂයේ මහලේකම් රන්ජන් සෙනෙවිරත්න මහතාගේ අත්සනින් නිකුත් කළ ලිපියක් මගින් මෙම තීරණය දැනුම් දී ඇත. එම ලිපියේ සඳහන් වන්නේ, පක්ෂයේ උපදෙස්වලට පටහැනිව ක්රියා කිරීම හේතුවෙන් මෙම පියවර ගත් බවයි.
කෙසේ වෙතත්, මෙය අවසන් තීරණයක් නොවන බව මහලේකම්වරයා අවධාරණය කරයි. “අපක්ෂපාතී විනය පරීක්ෂණයකින් අනතුරුව අවසන් තීරණයක් ලබාදෙන තුරු” පක්ෂ සාමාජිකත්වය අත්හිටුවා ඇති බව ඔහු වැඩිදුරටත් සඳහන් කර ඇත.
