සෞඛ්ය කාර්ය මණ්ඩලවලට තැපැල් ඡන්ද අයිතිය ලබා නොදෙන්නේ නම් ඊට එරෙහිව අධිකරණ ක්රියාමාර්ග ගන්නා බව සමස්ත ලංකා වෛද්ය නිලධාරීන්ගේ සංගමයේ ලේකම්, වෛද්ය ජයන්ත බණ්ඩාර මහතා (12දා) පැවසීය.
මේ පිළිබඳව සෞඛ්ය ඇමැතිවරයාට සහ මැතිවරණ කොමිසමට පැමිණිලි කර ඇතැයි සෞඛ්ය වෘත්තීය සමිති ඒකාබද්ධව පැවැත්වූ මාධ්ය හමුවේදී හෙතෙම සඳහන් කළේය.
මෙරට රාජ්ය සෞඛ්ය සේවාවේ 150,000කට වැඩි වෛද්ය හෙද පරිපූරක, අතුරු වෛද්ය සේවා සහ සහායක කාර්ය මණ්ඩලවල විශාල පිරිසක් සේවය කරති. ඉන් රෝහල් 500කට වැඩි සංඛ්යාවක් වසර පුරාම හා පැය 24 පුරාම ක්රියාත්මක වේ. මේ හේතුවෙන් අත්යවශ්ය සේවාවක් වන සෞඛ්ය සේවාව පවත්වාගෙන යන සෞඛ්ය කාර්ය මණ්ඩලයට තැපැල් ඡන්ද අයිතිය ලබාදිය යුතු බව මාධ්ය හමුවේදී සෞඛ්ය වෘත්තීය සමිති එකමුතුව පැවසීය.
