රුපියල් මිලියන 77,500ක් (රුපියල් බිලියන 77.5ක්) වටිනා භාණ්ඩාගාර බිල්පත් වෙන්දේසියක් මේ මස 15 වනදා පැවැත්වීමට නියමිත බව වාර්තා වේ.
මෙහිදී දින 91, දින 182 සහ දින 364 යන කාලසීමාවන්ගෙන් කල් පිරෙන භාණ්ඩාගාර බිල්පත් වෙන්දේසි කිරීමට සැලසුම් කර ඇත.
ඒ අනුව, දින 91න් කල් පිරෙන රුපියල් බිලියන 15ක වටිනාකමකින් යුත් භාණ්ඩාගාර බිල්පත් ද, දින 182න් කල් පිරෙන රුපියල් බිලියන 35ක වටිනාකමකින් යුත් භාණ්ඩාගාර බිල්පත් ද වෙන්දේසි කෙරේ.
එමෙන්ම, දින 364න් කල් පිරෙන රුපියල් බිලියන 27.5ක වටිනාකමකින් යුත් භාණ්ඩාගාර බිල්පත් ද මෙම වෙන්දේසියේදී අලෙවි කිරීමට නියමිතය.
