තමන් කිසිදා මාර්ග හෝ අධිවේගී මාර්ග තැනීමට එරෙහි නොවූ බවත්, ඒවා හදන ක්රමයට පමණක් එරෙහි වූ බවත් ජනතා විමුක්ති පෙරමුණේ ප්රධාන ලේකම් ටිල්වින් සිල්වා මහතා පවසයි.
එකල අධිවේගී මාර්ග පහක වියදම එක් අධිවේගී මාර්ගයක් සඳහා වැය කළ බවට ද ඔහු චෝදනා කරයි.
නුවර – කොළඹ අධිවේගී මාර්ගයට තමන් කිසිදා විරුද්ධ නොවූ බවත්, කඩවත – මීරිගම කොටසේ ‘පඬු කරඳ ගහේ’ සිද්ධිය දේවානි ජයතිලක නම් පරිසර නිලධාරිනියක සමග ඇති වූවක් බවත් ටිල්වින් සිල්වා සඳහන් කරයි.
කෙසේ වුව ද, අදාළ ගස එවක ආණ්ඩුව ගලවා ඉවත් කළ අතර, එම මාර්ගයේ කටයුතු නතර වූයේ ආර්ථික අර්බුදය නිසා බවත්, ඒ නිසා චීන සමාගමට විශාල වන්දියක් ගෙවීමට සිදුව ඇති බවත් හෙතෙම ප්රකාශ කළේය.
