ශ්රී ලංකාවේ තේ නිෂ්පාදනය සම්බන්ධයෙන් විශේෂ සාකච්ඡාවක් සඳහා චීන නියෝජිත පිරිසක් සහ කෘෂිකර්ම, පශු සම්පත්, ඉඩම් සහ වාරිමාර්ග අමාත්යාංශයේ නිලධාරීන් ඊයේ (24) හමුවී තිබේ.
මෙම සාකච්ඡාව කෘෂිකර්ම අමාත්යාංශයේදී හිටපු නියෝජ්ය අමාත්ය වෛද්ය සුසිල් රණසිංහ මහතාගේ ප්රධානත්වයෙන් පැවැත්විණි.
මෙහිදී, ශ්රී ලංකාවේ තේ නිෂ්පාදනයේ තත්ත්වය පිළිබඳව මූලික වශයෙන් සාකච්ඡා කර ඇති අතර, මෙරට තේ නිෂ්පාදනය ජාත්යන්තර නියමයන්ට අනුකූලව ප්රමිතිගතව සිදු වන බවට චීන නියෝජිත පිරිසට පැහැදිලි කර තිබේ.
මෙම අවස්ථාවට කෘෂිකර්ම සහ පශු සම්පත් නියෝජ්ය අමාත්ය නාමල් කරුණාරත්න මහතා ද සහභාගී විය. තවද, කෘෂිකර්ම, පශු සම්පත්, ඉඩම් සහ වාරිමාර්ග අමාත්යාංශයේ ලේකම් ඩී.පී. වික්රමසිංහ මහතා සමග අපනයන කෘෂිකර්ම දෙපාර්තමේන්තුවේ නිලධාරීන් ද මෙම සාකච්ඡාවට සහභාගී වී ඇත.
