රුපියල් එක්කෝටි හැත්තෑඅට ලක්ෂ පනස් දහසක් (රු. 1,78,50,000) පමණ වටිනා විදේශීය නිෂ්පාදිත දුම්වැටි තොගයක් සමග සැකකරුවන් තිදෙනෙකු කටුනායක ගුවන්තොටුපොළ පොලිස් නිලධාරීන් විසින් අත්අඩංගුවට ගෙන තිබේ.
අත්අඩංගුවට ගත් සැකකරුවන් තිදෙනා ඩුබායි සිට කටුනායක ගුවන්තොටුපොළ වෙත පැමිණ ඇති අතර ඔවුන් අලුත්ගම, යටියන්තොට සහ මාවනැල්ල ප්රදේශවල පදිංචි ව්යාපාරිකයන් බව වාර්තා වේ.
ඔවුන් විසින් රැගෙන ආ ගමන් මලු තුළ තිබී “ප්ලැටිනම්” වර්ගයේ දුම්වැටි 119,000ක් අඩංගු දුම්වැටි කාටූන් 595ක් පොලීසිය විසින් සොයා ගෙන ඇත.
අදාළ පුද්ගලයින් තිදෙනා මීගමුව මහේස්ත්රාත් අධිකරණය වෙත ඉදිරිපත් කිරීමෙන් අනතුරුව රුපියල් ලක්ෂ 3ක් බැගින් වූ දඩ මුදලක් ගෙවීමට අධිකරණය නියෝග කර තිබේ.
