අනුරාධපුරය ප්රදේශයේදී හෙරොයින් තොගයක් සමග අත්අඩංගුවට ගත් විදුහල්පතිවරයා එළඹෙන දෙසැම්බර් මස 10 වැනිදා දක්වා රක්ෂිත බන්ධනාගාරගත කිරීමට තඹුත්තේගම මහෙස්ත්රාත් අධිකරණය නියෝග කර තිබේ.
පසුගිය නොවැම්බර් 05 වැනිදා අත්අඩංගුවට ගත් මෙම පුද්ගලයා, අනුරාධපුර එප්පාවල ප්රදේශයේ ප්රාථමික පාසලක විදුහල්පතිවරයෙකි.
අදාළ විදුහල්පතිවරයාට අයත් බව පැවසෙන එප්පාවල, ඇදගල ප්රදේශයේ පිහිටි හෝටලයක පිටුපස වළ දමා තිබූ හෙරොයින් කිලෝග්රෑම් 1යි ග්රෑම් 185ක තොගයක් සොයාගත් බව පොලීසිය පැවසීය.
මීට අමතරව, අදාළ විදුහල්පතිවරයා විසින් ඒ අසල පිහිටි වැවකට දමා තිබූ මත්ද්රව්ය මැනීමට භාවිතා කරන විද්යුත් තරාදියක් සහ පොලිතීන් සීලර් යන්ත්රයක් ද සොයා ගැනීමට පොලීසිය සමත් වී ඇත.
