සමගි ජන බලවේගය යටතේ පාලනය වන මතුගම ප්රාදේශීය සභාවේ සභාපතිවරයා විසින් එම සභාවේ ලේකම්වරියට පහරදීමේ සිදුවීමක් අද (30) වාර්තා විය. ප්රහාරයට ලක්ව තුවාල ලැබූ ලේකම්වරිය ප්රතිකාර සඳහා මතුගම වෑත්තෑව රෝහලට ඇතුළත් කර ඇති බව පොලිසිය තහවුරු කරයි.
අද උදෑසන ප්රාදේශීය සභා ගොඩනැගිල්ල තුළ පිහිටි ලේකම්වරියගේ කාර්යාලය වෙත පැමිණි සභාපතිවරයා, සභාවේ ක්රියාත්මක වන යම් ව්යාපෘතියක් සම්බන්ධයෙන් විමසීමක් කර ඇත. එහිදී දෙපාර්ශවය අතර ඇති වූ උණුසුම් බහින්බස් වීමක් දුරදිග යාමෙන් අනතුරුව සභාපතිවරයා විසින් ලේකම්වරියට මෙලෙස පහරදී ඇති බව මූලික විමර්ශනවලින් හෙළි වී තිබේ.
අදාළ ප්රහාරය සම්බන්ධයෙන් ලේකම්වරිය විසින් මතුගම පොලිසිය වෙත පැමිණිල්ලක් ඉදිරිපත් කර ඇති අතර, ඒ අනුව සිද්ධිය සම්බන්ධයෙන් පුළුල් පරීක්ෂණයක් ආරම්භ කර ඇති බව පොලිසිය වැඩිදුරටත් සඳහන් කරයි. රාජ්ය නිලධාරිනියකට සේවා ස්ථානය තුළදීම එල්ල වූ මෙම ප්රහාරය ප්රදේශයේ බොහෝ දෙනෙකුගේ අවධානයට හා විවේචනයට ලක්ව ඇත.
