අධ්යාපන අමාත්යවරිය ලෙස කටයුතු කරන අග්රාමාත්ය ආචාර්ය හරිනි අමරසූරිය මහත්මියට එරෙහිව විශ්වාසභංග යෝජනාවක් ඉදිරිපත් කිරීමට විපක්ෂය පියවර ගෙන තිබේ. විපක්ෂ නායක සජිත් ප්රේමදාස මහතාගේ මූලිකත්වයෙන් අද (07) පෙරවරුවේ පාර්ලිමේන්තුවේ පිහිටි විපක්ෂ නායක කාර්යාලයේදී මෙම යෝජනාවට අත්සන් තැබීම සිදු විය.
වත්මන් රජය හඳුන්වා දෙන අධ්යාපන ප්රතිසංස්කරණ තුළ ළමා මනසට නුසුදුසු කරුණු අන්තර්ගත වීම සහ පෙළපොත්වල විෂය කරුණු සම්බන්ධයෙන් පවතින බරපතළ දෝෂ මෙලෙස විශ්වාසභංගයක් ගෙන ඒමට ප්රධාන හේතුව වී ඇත. එමෙන්ම, මෙම ගැටලු සම්බන්ධයෙන් බලධාරීන් නිසි අවධානයක් යොමු නොකිරීම සහ විධිමත් පියවර නොගැනීම සම්බන්ධයෙන් ද විපක්ෂය සිය විරෝධය පළ කර තිබේ.
අග්රාමාත්යවරිය අද පාර්ලිමේන්තුවේදී 6 ශ්රේණියේ ඉංග්රීසි මොඩියුලයේ ඇතැම් කොටස් ඉවත් කිරීමට තීරණය කළ බව ප්රකාශ කර තිබියදී, විපක්ෂය මෙම දැඩි තීරණයට එළඹීම දේශපාලන ක්ෂේත්රයේ දැඩි අවධානයට ලක්ව ඇත.
