ත්රස්තවාදය වැළැක්වීමේ පනත යටතේ රඳවාගෙන සිටින මත්ද්රව්ය ජාවාරම්කරුවකු ලෙස ප්රකට නඳුන් චින්තක වික්රමරත්න හෙවත් ‘හරක් කටා’ නමැති විත්තිකරුගෙන් ප්රකාශයක් ලබා ගැනීමට අල්ලස් හෝ දූෂණ චෝදනා විමර්ශන කොමිෂන් සභාවට (CIABOC) අවසර ලබා දෙමින් කොළඹ මහාධිකරණය අද (ජූනි 09) ත්රස්ත විමර්ශන කාර්යාංශයට (TID) නියෝගයක් නිකුත් කළා.
මෙම නියෝගය නිකුත් කරනු ලැබුවේ, ‘හරක් කටා’ සම්බන්ධ නඩුකරයක් කොළඹ මහාධිකරණ විනිසුරු සුජීව නිශ්ශංක මහතා ඉදිරියේ කැඳවූ අවස්ථාවේදීයි. එහිදී රජයේ නීතිඥ සජිත් බණ්ඩාර මහතා අධිකරණයෙන් ඉල්ලා සිටියේ, අල්ලස් කොමිසම විසින් සිදුකරන විමර්ශනයකට අදාළව විත්තිකරුගෙන් ප්රකාශයක් සටහන් කර ගැනීමට අවශ්ය බවයි.
අධිකරණය එම ඉල්ලීම පිළිගනිමින්, අල්ලස් කොමිසමේ නිලධාරීන්ට ‘හරක් කටා’ගෙන් ප්රකාශයක් සටහන් කර ගැනීම සඳහා අවශ්ය පහසුකම් සලසන ලෙස TIDයට නියෝග කළා. මෙම නියෝගයත් සමඟ ‘හරක් කටා’ගේ අපරාධ ජාලය පිළිබඳව තවත් වැදගත් තොරතුරු රැසක් අනාවරණය වීමට ඉඩ ඇති බවට නීති ක්ෂේත්රයේ අදහස් පළ වෙනවා.
