මැතිවරණ වියදම් නියාමන පනත යටතේ නියමිත පරිදි වියදම් වාර්තා ඉදිරිපත් කිරීමට අපොහොසත් වූ අපේක්ෂකයන් දෙදහසකට (2000කට) ආසන්න සංඛ්යාවකට එරෙහිව නඩු පැවරීම ආරම්භ කර ඇති බව පොලිසිය විසින් මැතිවරණ කොමිෂන් සභාවට දැනුම් දී තිබේ.
මැතිවරණ කොමිසමේ සභාපති ආනන්ද රත්නායක මහතා ප්රකාශ කළේ, මෙම නඩු පැවරීම්වලට පසුගිය ජනාධිපතිවරණයේ අපේක්ෂකයන් 13 දෙනෙකු, මහ මැතිවරණ අපේක්ෂකයන් 1900ක් මෙන්ම පළාත් පාලන මැතිවරණයට ඉදිරිපත් වූ අපේක්ෂක පිරිසකුත් ඇතුළත් වන බවයි.
මැතිවරණ නීතියට අනුව, සියලුම අපේක්ෂකයන් තමන් දැරූ වියදම් වාර්තා ලබා දීම අනිවාර්ය වන අතර, වියදම් වාර්තා ඉදිරිපත් නොකළ පළාත් පාලන මැතිවරණ අපේක්ෂකයන්ට එරෙහිව ද කඩිනමින් නඩු පැවරීමට කටයුතු කරමින් සිටින බව පොලිසිය වැඩිදුරටත් කොමිසම වෙත දැනුම් දී ඇත.
මෙම නඩු පැවරීම, මැතිවරණ වියදම් පාලනය කිරීමේ නව නීතිරීති දැඩි ලෙස ක්රියාත්මක කිරීමේ පියවරක් ලෙස සැලකේ.
