විවිධ රෝග රැසකට භාවිත කරන ඖෂධ වර්ග තුන්සිය පනහක මිල අඩුකර ඇති බව ජාතික ඖෂධ නියාමන අධිකාරියේ සභාපති කායික රෝග විශේෂඥ වෛද්ය ආනන්ද විජේවික්රම මහතා “සතිඅග අරුණ” පුවත්පතට පැවැසීය.
ළමා රෝග, පිළිකා, දියවැඩියාව, අධි රුධිර පීඩනය ඇතුළු රෝග රැසක් සඳහා දෙන ඖෂධ වර්ගවල මිල මෙසේ අඩුකර ඇති අතර, ඇතැම් ඖෂධවල මිල සියයට හැටත් හැත්තෑවක් අතර ප්රමාණයකින් අඩුවන බවද ඔහු පෙන්වා දෙයි. මෙසේ මිල අඩුකර ඇති ඖෂධවල නාම ලේඛනය ජාතික ඖෂධ නියාමන අධිකාරිය විසින් මේ සති අන්තයේ මාධ්යයේ ප්රකාශයට පත් කරනු ඇත.
මෙම ඖෂධ තුන්සිය පනහට අමතරව ඉදිරි දෙසතියේදී තවත් ඖෂධ වර්ග දෙසීයකගේ මිල අඩු කිරීමටද ජාතික ඖෂධ නියාමන අධිකාරිය තීරණය කර තිබේ.
මෙම ඖෂධ වර්ගවලට පනවා ඇති උපරිම සිල්ලර මිල කඩකරන ඖෂධ අලෙවි කරන අයට එරෙහිව නෛතික ක්රියාමාර්ග ගන්නා බව අවධාරණය කරන විශේෂඥ වෛද්ය ආනන්ද විජේවික්රම මහතා, ඒ ගැන පැමිණිලි ජාතික ඖෂධ නියාමන අධිකාරියට යොමු කරන ලෙසටද ඉල්ලීමක් කළේය.
ඔසුහල් පමණක් නොව පෞද්ගලික රෝහල්වල නේවාසිකව ප්රතිකාර ලබන රෝගීන් හට ද ජාතික ඖෂධ නියාමන අධිකාරිය ප්රකාශයට පත්කර ඇති මිලට ඖෂධ දිය යුතු බවත්, එම උපරිම සිල්ලර මිල කඩකරන රෝහල්වලට එරෙහිවද නෛතික ක්රියාමාර්ග ගන්නා බවද ඔහු අවධාරණය කළේය.
