පාර්ලිමේන්තුව ජූනි මස 17 වන අඟහරුවාදා සිට 20 වන සිකුරාදා දක්වා රැස්වීමට නියමිත බව පාර්ලිමේන්තු සන්නිවේදන දෙපාර්තමේන්තුව නිවේදනය කරයි.
මෙම සතිය තුළ දිනපතාම පෙ.ව. 9:30 සිට 10:00 දක්වා ස්ථාවර නියෝග 22හි 1 සිට 6 දක්වා සඳහන් පාර්ලිමේන්තු කටයුතු සඳහා වෙන් කර තිබේ. පෙ.ව. 10:00 සිට 11:00 දක්වා කාලය වාචික පිළිතුරු අපේක්ෂා කරන ප්රශ්න සඳහාත්, පෙ.ව. 11:00 සිට 11:30 දක්වා කාලය ස්ථාවර නියෝග 27(2) යටතේ ප්රශ්න සඳහාත් වෙන් කර ඇත.
මෙම පාර්ලිමේන්තු සතිය තුළදී, ක්රීඩාවල යෙදීමේදී උත්තේජක ද්රව්ය ගැනීමට එරෙහි සම්මුති පනත යටතේ නියෝග, විදේශ නඩු තීන්දු අන්යෝන්යව පිළිගැනීම, ලියාපදිංචි කිරීම සහ බලාත්මක කිරීම පිළිබඳ පනත යටතේ නියමයන්, සහ ආනයන හා අපනයන (පාලන) පනත යටතේ රෙගුලාසි ඇතුළු පනත් කෙටුම්පත් කිහිපයක් විවාදයට ගැනීමට නියමිතයි.
