පාර්ලිමේන්තු මන්ත්රීවරුන්ගේ, ඇමතිවරුන්ගේ සහ හිටපු ජනාධිපතිවරුන්ගේ හිමිකම් දීමනා සහ වරප්රසාද නැවත සලකා බැලීම පිළිබඳව ත්රිපුද්ගල කමිටුවක් පත් කිරීමට කැබිනට් මණ්ඩලය තීරණය කර තිබෙනවා.
එම කමිටුවේ සාමාජිකයින් වන්නේ,
- විශ්රාමික ශ්රේෂ්ඨාධිකරණ විනිසුරු කේ.ටී. චිත්රසිරි මහතා (සභාපති)
- විශ්රාමික අමාත්යාංශ ලේකම් ඩී. දිසානායක මහතා
- විශ්රාමික දිස්ත්රික් ලේකම් ජයන්තා බුළුමුල්ල මහත්මිය
හිමිකම්, දීමනා සහ වරප්රසාද ලබා දීම සඳහා මහජන බදු මුදලින් රජයට සැලකිය යුතු පිරිවැයක් වාර්ෂිකව දැරීමට සිදුවන අතර, වර්තමාන රාජ්ය මූල්ය අවකාශ තුළ මෙම අති විශාල වැය බර අවම කර ගැනීමේ අවශ්යතාව හඳුනා ගෙන තිබෙනවා.
ඒ අනුව මේ පිළිබඳ කරුණු අධ්යයනය කර මහා භාණ්ඩාගාරය වෙත අනවශ්ය වැය බරක් ඇති කරන සහ තාර්කික නොවන හිමිකම්, දීමනා සහ වරප්රසාද තාර්කික පදනමක් මත සීමා කිරීම හෝ වෙනත් සුදුසු විකල්ප ක්රම්වේදයන් හඳුන්වා දීම පිණිස යෝග්ය නිර්දේශ සහිත සවිස්තරාත්මක වාර්තාවක් මාස දෙකක් තුළ ඔවුන්ලබා දිය යුතුයි.
